Melissa de la Pena (Ka Diane)

Sept. 21, 2023

Mula sa pamilyang mayamang magsasaka si Ka Diane, pero nasanay siyang kalahok sa produksyon sa pagkokopra sa Cauayan, Negros Occidental. Dahil malapit sa rebolusyonaryong kilusan ang kanyang pamilya, di naging mahirap sa kanya ang sumapi sa BHB. Taong 2020 nang magdesisyon siyang magpultaym. Nagsilbi siyang upisyal medikal ng kanyang platun, at bago nito, naging instruktor sa pag-aral at mahusay siya sa gawain sa kultura.

Namartir si Ka Diane, kasama ang kanyang asawang si Ka Bravo (Alejo delos Reyes) at tatlo pang istap medikal ng larangan, nang karakarakang paulanan ng bala ang sinasakyan nilang traysikel sa Sityo Lubi, Brgy. Tabugon, Kabankalan City noong Setyembre 21, 2023.