Leonardo Manahan (Ka Mendel)

Dec. 17, 2023

Tubong Palawan at nagmula sa uring magsasaka ang 62-anyos na si Ka Mendel. . Namulat siya sa pakikibaka ng mga magsasaka sa lupa at laban sa mapanirang proyektong pagmimina sa Palawan. Kumilos siya sa Palawan bago itinalaga sa Batangas. Dito, pangunahin siyang kumilos sa mga eryang tubuhan at pangisdaan at naging kabahagi ng mga gawain sa pag-oorganisa at pag-aangat ng pampulitikang kamalayan ng masa.

Namartir siya, kasama ng lima pang Pulang mandirigma, matapos madakip at sadyang patayin ng berdugong 79th IB sa Balayan, Batangas noong Disyembre 17, 2023. Kinilala sila at ang dalawang sibilyang sina Sheine Anacta at Rose Jane Agda bilang Balayan 8.