Felix Salditos (Ka Mayamor/Maya Daniel/Dudi)

60, Oct. 12, 1958 - Aug. 15, 2018

Isang rebolusyonaryong makata, manunulat, at pintor mula sa Panay si Ka Mayamor, kilala rin bilang at Maya Daniel. Ipinanganak siya sa Ilog, Negros Occidental, noong Oktubre 12, 1958. Panganay siya sa limang magkakapatid ng isang mahirap na pamilyang magsasaka.

Noong 1979, iniwan niya ang pag-aaral sa seminaryo sa Bacolod City upang maglingkod sa mga mahihirap na komunidad sa kanayunan, lalo na sa mga katutubong Tumandok sa Panay. Kilala si Salditos sa kanyang mga akdang pampanitikan na naglalarawan ng pakikibaka ng mga katutubo, magsasaka, at manggagawa, na may layuning ipaglaban ang kanilang mga karapatan laban sa imperyalismo at malawakang usapin sa lupa.

Bilang kadre, siya ay naging tagapagsulong ng edukasyon at propaganda sa Panay, gamit ang kanyang sining at panitikan upang pukawin ang kamalayan at lakas ng mga tao sa kanilang pakikibaka. Marami siyang naiambag na tula at sanaysay na naglalahad ng kasaysayan at kasalukuyang kalagayan ng mga mahihirap at katutubo.

Noong Agosto 15, 2018, sa edad na 60, kasama si Felix Salditos sa tinaguriang "Antique 7," pitong hindi armadong rebolusyonaryo na minasaker ng pinagsanib na pwersa ng 301st IBde, 61st IB at pulisya sa San Jose, Antique.