Vicente Hinojales (Ka Emil/Hadjie)

55, Aug. 7, 2024

Si Ka Emil, 55, ay kagawad ng Komite Sentral at kalihim ng Panrehiyong Komite ng Partido sa Panay. Kabilang siya sa mga nakababatang kadre ng Partido na gumagampan ng mahahalagang tungkulin sa pamumuno ng rebolusyon sa mga nakaraang taon. Nanguna siya sa rehiyon ng Panay mula 2016, matapos na gumanap ng mahalagang bahagi sa komprehensibong paglago ng mga rebolusyonaryong pakikibaka sa Northeast Mindanao mula 2006 hanggang 2016. Sa nakalipas na mga taon, pinangunahan ni Ka Hadjie at ng mga kadre ng Panrehiyong Komite sa Panay ang mga rebolusyonaryong pwersa sa rehiyon sa paglaban sa walang humpay at brutal na gera ng panunupil ng pasistang rehimeng Marcos.

Si Ka Emil, kasama si Ka Concha at dalawa pa, ay namartir sa kamay ng 3rd ID at 301st IBde mapos ang sunud-sunod na engkwentro noong Agosto 7,8 at 15 sa Barangay Cabatangan, Lambunao, Iloilo. Pinaniniwalaang dinakip muna siya, pinahirapan bago pinaslang.

Mga Martir ng Agosto ng Panay