Harold Menosa (Ka Luzon)

June 26, 2024

Kilala bilang Pulang kumander, isinilang sa bayan ng San Luis, Aurora si Ka Luzon sa pamilya ng maralitang magsasaka. Sa panahon ng kanyang murang edad ay nakakasalamuha na ang mga Pulang mandirigma. Dalawa sa kanyang mga kamag-anak ay nagpultaym at namartir sa pakikibaka. Aktibo siya sa binuong grupo ng mga kabataan sa kanilang baryo na kabilang sa gawain ay suportang-kombat.

Una siyang nagpultaym sa BHB noong 2001. Hindi natinag ang kanyang paninindigan kahit matapos maging biktima ng sapilitang pagkawala ang kanyang amang si Deodicto Menosa noong 2019. Dahil sa kanyang husay sa pamumuno, itinalaga siyang kumander sa isang yunit na ipinadala sa Aurora. Naging bahagi din siya ng yunit na tumawid mula Sierra Madre tungong Caraballo.

Namartir siya, kasama ng siyam pang mandirigma, sa isang depensibang labanan, kung saan gumamit ang militar ng mga helikopter at drone, sa Barangay Malbang, Pantabangan, Nueva Ecija, noong Hunyo 26, 2024.

Mga martir ng Pantabangan 2024-06-26